Famiho : Fabaceae, i'a 216 meno.

Pèr counèisse e recounèisse li planto d'encò nostre

Li Fabaceae, o Leguminosae (famiho dóu faiòu), soun majamen d'erbo, de pichòti planto lignouso, d'aubret e de cop que i'a d'aubre.

Li fueio soun en generau alterno e penado (1) de mant'un biais emé souvènti fes d'estipulo à la baso. Soun coumpausado de tres fueioun encò Medicago (2), Trifolium, Melilotus, Lotus, Ononis.

La flour (4) a uno formo bèn à-n-elo qu'un cop duberto douno d'èr à-n-un parpaioun (Papillionaceae). Lou calice, entre campano e tube, a cinq dènt (3).

I'a cinq petalo diferènto : darrié, uno grosso (estendard-7), dos sus li coustat (alo-6) e dos davans en generau soudado (careno-5-) que caupon li dès estamino e l'óuviero.

Lou fru es uno dóusso que sèmblo souvènti fes à-n-aquelo dóu faiòu (9, 10) e que se fènd en long quouro èi se. Pòu prendre de formo diferènto : Medicago (8), Hedysarum (11)...