Plantun de Prouvènço

Pèr counèisse e recounèisse li planto d'encò nostre

Cese-fèr(-dis-Aup)

Astragalus alpinus

Fabaceae Leguminosae

Nom en français : Astragale des Alpes.

Descripcioun :
Aquéu cese-fèr trachis dins li pelouso e lis esboudèu d'auto mountagno. Se recounèis à si flour blanco tacado de vióulet sus "l'estendart" e groupado en grapo de 5 à 15. Li fueio, que caupon de 8 à 11 paréu de fuioun, an ges de péu dessubre, e porton de péu coucha dessouto. Li jóuini dóusso soun negro e pendoulon.

Usanço :
Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).

Bioulougìo - Usanço - Classificacioun

Port : Erbo
Taio : 5 à 15 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo
Fourestiero : Noun

Coulour de la flour : Vióuleto
Petalo : irreguliero
Ø (o loungour) flour : 9 à 15 mm
Flourido : Estiéu
Juliet à avoust
Aparado : Noun

Empouisounanto : Vo
Manjadisso : Noun

Vertuouso : Noun

Gènre : Astragalus
Soufamiho : Papilionoideae
Famiho : Fabaceae
Famiho classico : Leguminosae
Ordre : Fabales
Filougenìo : Tracheophyta

Ref. sc. : Astragalus alpinus L., 1753

fotò

Ecoulougìo - Partisoun

Liò : Pelouso - Esboudèu - Cresten

Estànci : Subaupen, Aupen.

Couroulougi : Artico-Aupenco

Sòu : Ca

Autour basso e auto : 1600 à 2800 m

Aboundànci : R

Fitousoucioulougìo

Classo : Pancaro entresigna

Ordre : Pancaro entresigna

Alianço : Pancaro entresigna

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

fotò

ges

ges

ges

ges

ges

ges

R

C

Coumpara Cese-fèr(-dis-Aup) emé uno autro planto

fotò

Uno questioun, uno remarco...