Genèpi-blanc
Artemisia umbelliformis
Asteraceae Compositae
Noms en français : Genépi jaune, Genépi blanc.
Descripcioun :Lou genèpi-blanc se rescontre dins li roucaio e esboudèu d'auto mountagno. Se recounèis à si fuio e si lòngui cambo pelouso de pichòti flour jauno coumpausado. La recordo èi limitado à un centenau de brout (èi deja forço) e fau leissa sus cado planto quà uqui flour pèr que posque faire si grano.
Usanço :Se saup proun que lou genèpi sèr pèr adouba la liquour dóu meme noum. Ei peréu bon en tisano "pèr lou chaut e frèi" ; pamens la fau pas faire trop forto que "t'achapo lou bà ti-couor" (J.-L. Domenge in LMT, op.cit. p. 59). Ajudo à la digestioun, e bon contro lou tussi e li fèbre. Èi peréu vertuous contro li plago e macaduro. "Qu a de genepi' n'a rè besoun de medeci' Ibid.".
Port : Erbo
Taio : 5 Ã 20 cm
Fueio : alterno
Tipe bioulougico : Camefite
Cicle bioulougico : Planto renadivo
Gènre : Artemisia
Famiho : Asteraceae
Famiho classico : Compositae
Ordre : Asterales
Coulour de la flour :
Jauno
Petalo : >6
Ø (o loungour) flour : Pancaro entresigna
Flourido :
Estiéu
Sòu : Si
Autour basso e auto : 2200 Ã 3000 m
Aparado :
Vo
Remarco : Meno aparado
Juliet à avoust
Liò : Roucas
- Paret
- Roucaio
- Esboudèu
Estànci : Subaupen à Aupen
Couroulougi : Ouroufito-Sud-Èst-Éuropo
Ref. sc. : Artemisia umbelliformis Lam., 1783
Lineto(-di-fueio-de-mele)
Minuartia laricifolia
Caryophyllaceae
Nom en français : Minuartie à feuilles de mélèze.
Descripcioun :Aquesto lineto dóu gènre Minuartia trachis en mato dins li roucaio, roucas e souto li mèle en mountagno, sus sòu séusous. Se recounèis à si grà ndi flour blanco (petalo de 1 à 1,5 cm), si fueio primo, redo e souvènt enarcado emé uno souleto costo. Coumpara emé la lineto-di-fueio-primo que ié sèmblo, mai que trachis sus cauquié.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 8 Ã 20 cm
Fueio : óupousado
Tipe bioulougico : Camefite
Cicle bioulougico : Planto renadivo
Gènre : Minuartia
Famiho : Caryophyllaceae
Ordre : Caryophyllales
Coulour de la flour :
Blanco
Petalo : 5
Ø (o loungour) flour : 10 Ã 16 mm
Flourido :
Estiéu
Sòu : Si
Autour basso e auto : 1200 Ã 2600 m
Aparado : Noun
Juilet à avoust
Liò : Roucas
- Tepiero roucaiouso
- Melounié
Estànci : Mountagnard à Subaupen
Couroulougi : Ouroufito-Cèntre-Éuroupenco
Ref. sc. : Minuartia laricifolia (L.) Schinz & Thell., 1907