Plantun de Prouvènço

Pèr counèisse e recounèisse li planto d'encò nostre

Betounico

Betonica officinalis

Lamiaceae Labiaceae

Autre noum : Betouino.

Nom en français : Bétoine officinale.

Descripcioun :
La betounico trachis dins li bos fres coume li blachiero. Se recounèis à soun enflourejado di flour sarrado qu'escoundon la cambo e à si fueio amé de gròssi dènt redouno. La baso de la tijo èi souvènt torso.

Usanço :
Li fueio e li flour soun couneigudo pèr èstre vertuouso pèr desencoumbra li brouncho, ajuda à digeri, sougna li plago e tambèn èstre febrifujo. La racino èi purgativo e fai raca (emetico).

Bioulougìo - Usanço - Classificacioun

Port : Erbo
Taio : 10 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo
Fourestiero : Noun

Coulour de la flour : Roso
Petalo : irreguliero
Ø (o loungour) flour : 1 à 1,5 cm
Flourido : Printèms - Estiéu - Autouno
Mai à óutobre
Aparado : Noun

Empouisounanto : Noun
Manjadisso : Vo
Estoumatico
Vertuouso : Espetouranto
Vulneràri
Purgativo

Gènre : Betonica
(Gènre proche: Stachys)
Famiho : Lamiaceae
Famiho classico : Labiaceae
Ordre : Lamiales
Filougenìo : Tracheophyta

Ref. sc. : Betonica officinalis L., 1753 (= Stachys officinalis (L.) Trévis., 1842 )

fotò

Ecoulougìo - Partisoun

Liò : Blachiero - Bos fres - Pelouso - Relarg à jóuinis aubret

Estànci : Mesoumediterran, Subremediterran, Coulinen, Mountagnard.

Couroulougi : Éurasiatico-Cèntre-Ouèst

Sòu : Si (Ca)

Autour basso e auto : 0 à 1800 m

Aboundànci : C

Fitousoucioulougìo

Classo : Melampyro pratensis-Holcetea mollis

Ordre : Melampyro pratensis-Holcetalia mollis

Alianço : Pancaro entresigna

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Coumpara Betounico emé uno autro planto

Uno questioun, uno remarco...