Plantun de Prouvènço

Pèr counèisse e recounèisse li planto d'encò nostre

Petugo(-faus-canèu)

Schedonorus arundinaceus subsp. arundinaceus

Poaceae Graminaceae

Noms en français : Fétuque élevée, Fétuque faux roseau.

Descripcioun :
Petugo pulèu grando (0,2-1,2 m) que trachis en mato verdo dins li prado, ermas, camin e en ribo de ribiero. La paumo es amplo, li fueio, escabrouso, soun pulèu larjo (>5 mm) e porton d'auriheto cihado roundo (fotò). La lengueto (ligulo) èi proun pichoto. La lemma porto en generau uno arèsto de 0,5 à 4 mm. Se destrìo de la subsp. fenas qu'a 2 o 3 ramo à cade nous d'en bas de la paniculo emé mai de 3 espiguet (la subsp. fenas a li nous d'en bas emé soulamen 2 ramo).

Usanço :
La petugo-faus-canèu es uno planto pasturiero que trachis tout de long de l'an.

Bioulougìo - Usanço - Classificacioun

Port : Grando erbo
Taio : 0,2 à 1,2(2) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Fourestiero : Noun

Coulour de la flour : Verdo
Petalo : ges
Ø (o loungour) flour : 10 à 15 mm
Flourido : Printèms - Estiéu
Mai à juliet
Aparado : Noun

Empouisounanto : Noun
Manjadisso : Noun

Vertuouso : Noun

Gènre : Schedonorus
(Gènre proche: Festuca)
Famiho : Poaceae
Famiho classico : Graminaceae
Ordre : Poales
Filougenìo : Tracheophyta

Ref. sc. : Schedonorus arundinaceus subsp. arundinaceus (Schreb.) Dumort., 1993 (= Festuca arundinacea Schreb., 1771 )

fotò

Ecoulougìo - Partisoun

Liò : Prado umido - Camin - Ribiero - Champ

Estànci : Termoumediterran, Mesoumediterran, Subremediterran, Coulinen, Mountagnard.

Couroulougi : Paleoutemperado

Sòu : Ca (Si)

Autour basso e auto : 0 à 1700 m

Aboundànci : CC

Fitousoucioulougìo

Classo : Agrostio stoloniferae-Arrhenatheretea elatioris

Ordre : Agrostietalia stoloniferae

Alianço : Loto corniculati-Schedonorenalia arundinacei

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Coumpara Petugo(-faus-canèu) emé uno autro planto

Uno questioun, uno remarco...