Plantun de Prouvènço

Pèr counèisse e recounèisse li planto d'encò nostre

Tamarisso(-d'Alemagno)

Myricaria germanica

Tamaricaceae

Noms en français : Myricaire d'Allemagne, Petit Tamaris.

Descripcioun :
La tamarisso-d'Alemagno, dóu gènre Myricaria, trachis dins li limas de ribiero majamen en Mountagno. Li grano podon èstre empourtado mai bas. Douno d'èr à uno pichoto tamarisso, pamens l'enflourejado èi mai longo e pus espèsso emé de flour pu grando. I'a dous cop mai d'estamino que de petalo. Apoundèn que li flour soun bèn mai grosso e lou boursèu peréu (> 7 mm de long).

Usanço :
Coume pèr lis àutri tamarisso, la rusco èi diuretico, astringènto, sudorifico e aperitivo. Li jóuini pousso sarien bono pèr lucha contro lou manco de plaqueto sanguino.

Bioulougìo - Usanço - Classificacioun

Port : Aubret
Taio : 0,5 à 2 m
Fueio : alterno
Tipe bioulougico : Faneroufite
Cicle bioulougico : Planto renadivo
Fourestiero : Noun

Coulour de la flour : Roso
Petalo : 5
Ø (o loungour) flour : 5 à 6 mm
Flourido : Printèms - Estiéu
Mai à juliet
Aparado : Noun

Empouisounanto : Noun
Manjadisso : Noun
Diuretico
Vertuouso : Astringènto
Sudorifico
Aperitivo

Gènre : Myricaria
(Gènre proche: Tamaris)
Famiho : Tamaricaceae
Ordre : Caryophyllales
Filougenìo : Tracheophyta

Ref. sc. : Myricaria germanica (L.) Desv., 1824

fotò

Ecoulougìo - Partisoun

Liò : Limas de ribiero - Ribiero

Estànci : Mountagnard, Subaupen.

Couroulougi : Éurasiatico-Cèntre-Ouèst

Sòu : Ca (Si)

Autour basso e auto : 700 à 2000 m

Aboundànci : R

Fitousoucioulougìo

Classo : Salicetea purpureae

Ordre : Myricarietalia germanicae

Alianço : Salicion elaeagni

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Coumpara Tamarisso(-d'Alemagno) emé uno autro planto

Uno questioun, uno remarco...