Erbo-blanco / Lobularia maritima

Erbo-blanco

Lobularia maritima

Brassicaceae Cruciferae

Àutri noum : Bramo-fan, Pan-blanc, Erbo-dóu-serin.

Noms en français : Alysson maritime, Clypéole maritime.

Descripcioun :
Planto dóu bord de mar, mai que se plais peréu dins lis ermas, ounte, de cop que i'a, pòu crèisse à bóudre. L'erbo-blanco se recounèis eisa à si noumbróusi flour blanco, emé lou cor un pau vióulet e di quatre petalo en crous. Lou fru èi plat de 2 à 4 mm, pelous ; un cop li grano au sòu, soubro pu qu'uno membrano que laisso passa lou lume (fotò).

Usanço :
L'erbo-blanco a douna tout un fube de meno ourtouliero de tóuti li coulour. Li flour e li jóuini fueio, de sabour cousènto, podon èstre manjado en ensalado. Èi couneigudo en Espagno coume diuretico e contro lou mau-de-terro ; la planto èi peréu astringènto.

Bioulougìo - Usanço - Classificacioun

Port : Erbo
Taio : 5 à 30 (40) cm
Fueio : alterno
Tipe bioulougico : Camefite
Cicle bioulougico : Planto renadivo
Fourestiero : Noun

Coulour de la flour : Blanco
Petalo : 4
Ø (o loungour) flour : 5 à 9 mm
Flourido : Printèms Autouno - Ivèr
Mai à óutobre
Aparado : Noun

Empouisounanto : Noun
Manjadisso : Vo
Astringènto
Vertuouso : Diuretico
Contro lou mau-de-terro

Gènre : Lobularia
Famiho : Brassicaceae
Famiho classico : Cruciferae
Remarco : Planto de coustiero

Ref. sc. : Lobularia maritima (L.) Desv., 1815

fotò

Ecoulougìo - Partisoun

Liò : Mar - Prado umido - Roucas

Estànci : Termoumediterran, Mesoumediterran.

Couroulougi : Estenoumediterrano

Sòu : Ca (Si)

Autour basso e auto : Pancaro entresigna

Aboundànci : CCC

Fitousoucioulougìo

Classo : Dactylido glomeratae-Brachypodietea retusi

Ordre : Brachypodietalia retusi

Alianço : Pancaro entresigna

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

Coumpara Erbo-blanco emé uno autro planto

Plantun de Prouvènço

Pèr counèisse e recounèisse li planto d'encò nostre

Uno questioun, uno remarco...