Long-bè-mistoufet / Eurhynchiastrum pulchellum

Long-bè-mistoufet

Eurhynchiastrum pulchellum

Brachytheciaceae

Nom en français : Long-bec-gracieux.

Descripcioun :
Aquelo mousso pluroucarpo de taio mejano (3 à 8 cm) èi coumuno dins lis Aup prouvençalo. Trachis en tepo basso, mai o mens denso, verdo, jaunastro e bunastro à la baso. Li ramificacioun soun irreguliero dins tóuti li coustat. La fueio caulinàri d'aperaqui 1 mm (0,9 à 1,3) a uno costo di quatre pèr tres de sa loungour. Diouïco, fai raramen d'espouroufite. Se rescontro à l'oumbro dins li fourèst sus sòu basique.

Counfusioun :
Lou long-bè-mistoufet se destrìo dóu "classique" Eurhynchiastrum striatum pèr sa taio pu pichoto, e au microuscope bonodi la larjour de sa costo à la baso de la fueio (mesurado eici aperaqui à 15 micromètre - la costo de E. striatum > 70 mm ).

Bioulougìo - Usanço - Classificacioun

Port : Pluroucarpo
Taio : 3 à 8 cm
Fueio : 0,9 à 1,3 mm
Planto : Diouïco
Cicle bioulougico : Planto renadivo
Fourestiero : Noun

Urno : 1,5 à 2 cm
Sedo : 1 à 2 cm
Peristome : Coumplet
Espouroufite : Ivèr
Desèmbre à mars
Aparado : Listo roujo

Empouisounanto : Noun
Manjadisso : Noun

Vertuouso : Noun

Gènre : Eurhynchiastrum
(Gènre proche: Eurhynchium)
Famiho : Brachytheciaceae
Ordre : Hypnales
Filougenìo : Bryophyta

Ref. sc. : Eurhynchiastrum pulchellum (Hedw.) Ignatov & Huttunen, 2002 (= Eurhynchium pulchellum (Hedw.) Jenn., 1913 = Hypnum strigosum Hoffm. ex F.Weber & D.Mohr, 1803 )