Plantun de Prouvènço

Pèr counèisse e recounèisse li planto d'encò nostre

Erbo-de-sièis-ouro

Biscutella lima

Brassicaceae Cruciferae

Autre noum : Erbo-pinello.

Noms en français : Biscutelle à feuilles de coronope, Lunetière à feuilles de corne-de-cerf.

Descripcioun :
Lis erbo-de-sièis-ouro se recounèisson à si fru que fan pensa à de luneto. Fau-ti vèire dins lou noum lou "o" de "6" e pièi aquéu d'ouro : oo ? Aquelo erbo d'aqui, Biscutella lima, a de fueio di proun retaiado. A pas li sepalo esperloungado en esperoun, au contro de B. cichoriifolia. Èi la mai coumuno au nostre.

Usanço :
Se chabis de poucioun d'erbo-de-sièis-ouro censado ajuda à " encarna sa founso persounalita " o pulèu à ... se faire couiouna.

Bioulougìo - Usanço - Classificacioun

Port : Pichoto planto lignouso
Taio : 10 à 50 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Fourestiero : Noun

Coulour de la flour : Jauno
Petalo : 4
Ø (o loungour) flour : 1,4 à 1,8 cm
Flourido : Printèms - Estiéu
Mai à Avoust
Aparado : Noun

Empouisounanto : Noun
Manjadisso : Noun

Vertuouso : Noun

Gènre : Biscutella
Famiho : Brassicaceae
Famiho classico : Cruciferae
Ordre : Brassicales
Filougenìo : Tracheophyta

Ref. sc. : Biscutella lima Rchb., 1832 (= Biscutella coronopifolia L., 1771 )

fotò

Ecoulougìo - Partisoun

Liò : Garrigo - Roucaio - Tepiero seco - Roucas

Estànci : Mesoumediterran, Subremediterran, Coulinen, Mountagnard.

Couroulougi : Eurimediterrano

Sòu : Ca

Autour basso e auto : 0 à 1200 m

Aboundànci : CC

Fitousoucioulougìo

Classo : Pancaro entresigna

Ordre : Pancaro entresigna

Alianço : Pancaro entresigna

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Coumpara Erbo-de-sièis-ouro emé uno autro planto

Uno questioun, uno remarco...