Plantun de Prouvènço

Pèr counèisse e recounèisse li planto d'encò nostre

fotò
fotò Blad-dóu-diable(-óuvale)

Aegilops geniculata

Poaceae Graminaceae

Àutri noum : Blad-dóu-diable, Blad-de-cougiéu, Trauco-sa, Blad-de-couguou.

Noms en français : Égilope ovale, Égilope à inflorescence ovale.

Descripcioun :
Aquéu blad-dóu-diable, emé si lònguis arèsto trachis dins li tepiero seco e lis armas secarous. Es uno planto peludo d'en pertout emé de fueio rufo e uno lengueto facho de péu (fotò). L'espigo èi courteto, roundo e caup 2 à 3 espigueto emé à la baso un (de cop dous) avourtoun (fotò). Aegilops neglecta ié sèmblo proun, mai èi pu prim e mai long (espigo de 4 à 6 cm) emé de glumo, pèr l'espigueto d'en bas, de 2 o 3 arèsto (i'a tambèn 2 à 4 avourtoun) .

Usanço :
Li blad-dóu-diable soun proche dis àvi fèr de nòsti blad cultiva. Soun adounc bon à manja, mai sara un pau long pèr n'en acampa li grano. Èron acampa en Sicilo à passa tèms.

Bioulougìo - Usanço - Classificacioun

Port : Erbo
Taio : 10 à 40 cm
Fueio : costo paralèlo
Tipe bioulougico : Teroufite
Cicle bioulougico :
Planto de l'an
Fourestiero : Noun

Coulour de la flour : Verdo
Petalo : ges
Ø (o loungour) enflourejado : 1 à 3 cm
Flourido : Printèms - Estiéu
Mai à juliet
Aparado : Noun

Empouisounanto : Noun
Manjadisso : Vo

Vertuouso : Noun

Gènre : Aegilops
Famiho : Poaceae
Famiho classico : Graminaceae
Ordre : Poales
Filougenìo : Tracheophyta

Ref. sc. : Aegilops geniculata Roth, 1797 (= Aegilops ovata L., 1753 )

fotò

Ecoulougìo - Partisoun

Liò : Tepiero seco - Champ - Ermas

Estànci : Termoumediterran, Mesoumediterran, Subremediterran, Coulinen, Mountagnard.

Couroulougi : Mediterranenco-Touranieno

Sòu : Ca (Si)

Autour basso e auto : 0 à 1200 m

Aboundànci : CCC

Fitousoucioulougìo

Classo : Lygeo sparti-Stipetea tenacissimae - Stellarietea mediae

Ordre : Centaureetalia cyanis

Alianço : Roemerion hybridae - Xerobromion erecti - Ononidion striatae - Securigero securidacae-Dasypyrion villosi

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CCC
CCC
CCC
CCC
CCC
CCC
CC
CC

Coumpara Blad-dóu-diable(-óuvale) emé uno autro planto

fotò

Uno questioun, uno remarco...