Famiho : Poaceae, i'a 214 meno.

Pèr counèisse e recounèisse li planto d'encò nostre

Li Poaceae o Graminaceae (famiho dóu blad) soun d'erbo.

Li fueio alterno, à costo paralèlo (1), engueinanto emé un fourrèu fendu sus lou davans, s'estacon sus li nous (2) de la cambo (estoublo). A-n-aqueste endré s'atrobon uno pichoto membrano, la lengueto (3) o de péu que soun impourtant pèr la determinacioun.

Li flour, ermafroudito, soun dispausado en espigueto (6) caupant uno flour o mai. A la baso de l'espigueto s'atrobon dos boulofo o glumo (4, 5).

Cado flour èi peréu ensarado dins dos glumello, lemma dessouto (7) e palea dessubre (8). La lemma pòu s'acaba emé uno arèsto o barbo (9), mai au mens longo.

I'a tres estamino (11), de cop que i'a, uno, dos o sièis. L'óuviero èi libro emé dous estigmate long e plumous (12).

Lou fru (gran) èi se, indeïscènt e caup uno souleto grano .