Lis Euphorbiaceae (famiho de la lachusclo) soun d'erbo, de cop que i'a un pau lignouso à la baso, o d'aubret d'ounte s'escoulo, un cop coupado, de la pegous e empouisounant. Li fueio soun simplo e alterno, aleva encò Mercurialis. Li flour, reguliero, an ges de petalo. Li flour masclo e femello soun separado sus uno memo planto (Euphorbia-1, 2) o sus de pèd diferènt (Mercurialis). Li flour mascle an uno souleto estamino (5, 6), formon emé li flour femello uno inflourejado (cyathium) un pau especialo (2). I'a de glando sus lou coustat que podon èstre banarudo (7). L'óuviero, di tres carpello (8), èi pourtado sus uno meno de pichot pecout (2). S'atrobo tres estile (9). Lou fru es un boursèu (3) que se fendasclo d'un cop en petant. Li grano an de dessin (4) de nouta.