Aqui poudès aprene à recounèisse li planto d'encò nostre. I'a, pèr l'ouro, sege chausido poussiblo. Se sias coumençaire vous avèn alesti uno proumiero tiero d'un trentenau de planto coumuno. Poudès peréu coumença à recounèisse lis aubre. Pèr li counfierma, metren dins pas gaire uno segoundo selecioun. Mai es adeja poussible d'aprendre à recounèisse li famiho boutanico di planto (metren dins quàuqui tèms de ficho pèr s'entresigna). Pèr ço que toco li causo pratico sara poussible de recounèisse li planto fourestiero que d'ùni fan de mau-eigat o peréu li planto de l'ensalado champanello. Mai tihous, assaja de recounèisse li gènre. Acò sara pulèu pèr lis especialisto que poudran douna li noum scientifi, prouvençau vo francés.
Li resulto soun marcado à flour e mesuro ço que permés de vèire vosto prougressioun. Avèn alesti vounge nivèu. Isto peréu un nivèu especiau qu'es uno souspresso. Poudrès ansi mounta à cha pau sus la formo d'un jo. Anen aguès pas crento !
De nouta que pèr la noumenclaturo boutanico seguissèn la versioun 4.00 de TaxRef, dóu "Muséum National d'Histoire Naturelle". Toucant li noum prouvençau e francés que soun mai chanjadis, faudra douna lou proumié noum baia sus lou site, sara pas toujour eisa ! Pensas à nous escriéure se vesès uno fauto.
Bon jo.