Plantun de Prouvènço

Pèr coumpara dos planto d'encò nostre

Pinus sylvestris & Stachys germanica subsp. salviifolia

Pin-gavot

Pinus sylvestris

Pinaceae

Àutri noum : Pignastre, Pin-coumun, Pin-sóuvage, Pichot-pin, Pignet.

Noms en français : Pin sylvestre, Pin de Riga.

Descripcioun :
Lou pin-gavot trachis dins li relarg montagnous tre 400 m. Se recounèis à sa rusco roujo e à sis aguio courto e un pau verdalo. Es un aubre souvènt torso.

Usanço :
"Las caissos de mouort (caissos das paures) soun en pin vèrt" coume "lous bachasses", F. Graglia, Valdeblore (06) (in J.-L. Domenge, EbV, op.cit.). Servié peréu pèr faire li cadiero Ibid. Pamens, à la Baumo (04), L. Collomp afourtis : "Tant bèn ai vist de pin que avien belèu quienge mètro e qu'avien pas'na brancho ! avien tout embracha perqu'èro defendu de coupa un aubre vèrt [...] se coupavo rèn que lou bouosc sec ou bèn un aubre que secavo [...] " Ibid.

Port : Aubre
Taio : 3 à 30 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Pinus
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) enflourejado : 2,5 à 5 cm
Flourido : Printèms - Estiéu

Sòu : Ca (Si)
Autour basso e auto : 400 à 2200 m
Aparado : Noun
Mai à juliet

Liò : Pinedo - Pelouso - Roucas
Estànci : Subremediterran à Subaupen
Couroulougi : Éurasiatico
Ref. sc. : Pinus sylvestris L., 1753

Betounico(-di-fueio-de-sàuvi)

Stachys germanica subsp. salviifolia

Lamiaceae Labiaceae

Nom en français : Épiaire à feuilles de Sauge.

Descripcioun :
La betounico-di fueio-de-sàuvi trachis en mato d'eici, d'eila dins lis ermas, en ribo d'aigo e de camin. Fai de flour d'un rose sale de de 10 à 15 mm de long. Li fueio de la subsp. salviifolia soun en cougnet à la baso (fotò à man drecho) nourmalamen sènso trop d'encrenaduro sus li bord (isto de formo intermediàri, ço qu'èi lou cas eici). Coumpara emé la betounico-d'Alemagno que ié sèmblo proun, mai que trachis dins li relarg pu aut e fres.

Usanço :
En tisano, sèmblo agué de prouprieta estoumatico e enmenagogo (J. Roques, Plantes indigènes et exotiques, 1809, p.184). La planto es amaro.

Port : Erbo
Taio : 30 à 100 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Stachys
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 1 à 1,5 cm
Flourido : Printèms - Estiéu

Sòu : Ca (Si)
Autour basso e auto : 0 à 600 m
Aparado : Noun
Mai à avoust

Liò : Camin - Ermas - Roubino - Tepiero
Estànci : Mesoumediterran à Subremediterran
Couroulougi : Óurigino Pountico
Ref. sc. : Stachys germanica subsp. salviifolia (Ten.) Gams, 1927

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Pinus sylvestris & Stachys germanica subsp. salviifolia

ges

CCC

Coumpara Pin-gavot emé uno autro planto

Coumpara Betounico(-di-fueio-de-sàuvi) emé uno autro planto