Plantun de Prouvènço

Pèr coumpara dos planto d'encò nostre

Colutea brevialata & Euonymus latifolius

Baganaudié(-de-Franço)

Colutea brevialata

Fabaceae Leguminosae

Àutri noum : Brouteirolo, Faus-sené, Cascavèu, Glou-glou, Pan-pan.

Nom en français : Baguenaudier de France.

Descripcioun :
Aquéu baganaudié, un pau mai pichot que soun cousin, Colutea arborescens trachis dins li blachiero caudo sus cauquié. Se recounèis à si jóuini fru pelous (fotò) e peréu à si flour pu pichoto e à si fueio qu'an mens de fueioun, generalamen (4 à 7 en liogo de 6 à 12). Coumpara emé lou baganaudié.

Usanço :
Coume lou sené si grano soun purgativo, mai avisas-vous de n'en pas trop prendre.

Port : Aubre
Taio : 0,8 à 2 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Colutea
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) enflourejado : 12 mm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à jun

Liò : Brachiero - Bouissoun
Estànci : Termoumediterran à Coulinen
Couroulougi : Éuroupenco-Sud
Ref. sc. : Colutea brevialata Lange, 1862 (= Colutea arborescens subsp. gallica Browicz, 1963 )

Bounet-de-capelan(-di-làrgi-fueio)

Euonymus latifolius

Celastraceae

Àutri noum : Fusan, Coulougnet, Grano-pesoulino.

Nom en français : Fusain à larges feuilles.

Descripcioun :
Aquéu bounet-de-capelan-di-làrgi-fueio trachis pulèu dins li faio de mountagno, li pendis e li gaudre umide. Sèmblo proun à Euonymus europaeus, pamens si fueio soun mai larjo emé mens de costo (5 à 6 paréu) e subretout li flour e li fru soun pentamèro (5 petalo e 5 grano e pas 4). Peréu, lou dessubre di boursèu soun cresta (redoun encò l'autre). Coumpara emé lou bounet-de-capelan qu'èi tetramèro.

Usanço :
A bessai li mémis usanço que lou bounet-de-capelan.