Poulitrique-dis-Aup / Polytrichastrum alpinum

Poulitrique-dis-Aup

Polytrichastrum alpinum

Polytrichaceae

Nom en français : Polytric alpin.

Descripcioun :
Aquelo mousso acroucarpo pulèu forto, dreissado, fai de gràndi tepo o de gròssi mato sus lou sòu. Trachis dins li relarg umide e fres à l'oumbro. Li fueio soun grando (5 à 10 mm), à baso engueinanto que s'estrechon d'un cop sus un limbe en lanço, denta, pounchu e bèn verd. Au microuscope se vèson li lamelo (20 à 40) de 6 à 8 celulo emé lis apicalo pu grando e papihiouso. Fai eisamen d'espouroufite maugrat que siegue diouïco.

Counfusioun :
Se pòu engana emé lis àutris mouso dóu meme gènre o de gènre proche. Lou poulitrique-dis-Aup se destrìo à la coupo dóu limbe (celulo apicalo dóu limbe di paret espés).

Bioulougìo - Usanço - Classificacioun

Port : Acroucarpo
Taio : 4 à 10 cm
Fueio : 5 à 10 mm
Planto : Diouïco
Cicle bioulougico : Planto renadivo
Fourestiero : Noun

Urno : 2 à 4 mm
Sedo : 2 à 3 cm
Peristome : 64 dènt simplo
Espouroufite : Estiéu
Juilet à setèmbre
Aparado : Noun

Empouisounanto : Noun
Manjadisso : Noun

Vertuouso : Noun

Gènre : Polytrichastrum
(Gènre proche: Polytrichum)
Famiho : Polytrichaceae
Ordre : Polytrichales
Filougenìo : Bryophyta

Ref. sc. : Polytrichastrum alpinum (Hedw.) G.L.Sm., 1971 (= Polytrichum alpinum Hedw., 1801 = Pogonatum alpinum (Hedw.) Rohl. )

Valgodemar (05)-1100 m-18/07/2021

Ecoulougìo - Partisoun

Liò : Sòu - Pendis en erbo - Pendis emé caiau

Estànci : Mountagnard, Subaupen.

Couroulougi : Oulartico

Sòu : Si

Autour basso e auto : 500 à 2000 m

Aboundànci : C

Fitousoucioulougìo

Classo : Oxycocco-Sphagnetea magellanici

Ordre : Sphagnetalia medii

Alianço : Sphagnion magellanici

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Coumpara Poulitrique-dis-Aup emé uno autro planto

Plantun de Prouvènço

Pèr counèisse e recounèisse li planto d'encò nostre

Uno questioun, uno remarco...