Plantun de Prouvènço

Pèr counèisse e recounèisse li planto d'encò nostre

Erbo-dóu-faiòu(-roujo)

Glaucium corniculatum

Papaveraceae

Noms en français : Glaucienne écarlate, Pavot cornu.

Descripcioun :
Vaqui uno planto di flour roujo, cousino de l'erbo-di-faiòu di flour jauno, que se vèi pu gaire ; fai partido dis espèci amenaçado. Coume l'avèn di sèmblo proun à Glaucium flavum, fai de flour roujo, un pau mai pichoto e que duron pas gaire. I'a pas pèr s'engana. Se d'asard la vesès, pensas d'acampa quàuqui grano pèr li samena dins de mémi relarg. Davans, sus la fotò, se vèi l'erbo-uvernino.

Usanço :
Bessai que, coume sa cousino, lou la que s'escoulo à la coupo pòu servi contro li berrugo.

Bioulougìo - Usanço - Classificacioun

Port : Erbo
Taio : 15 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an
Fourestiero : Noun

Coulour de la flour : Roujo
Petalo : 5
Ø (o loungour) flour : 2,5 à 3,5 cm
Flourido : Printèms - Estiéu
Abriéu à óutobre
Aparado : Vo

Empouisounanto : Vo
Manjadisso : Noun

Vertuouso : Contro li berrugo

Gènre : Glaucium
Famiho : Papaveraceae
Ordre : Ranunculales
Filougenìo : Tracheophyta

Ref. sc. : Glaucium corniculatum (L.) Rudolph, 1781

fotò

Ecoulougìo - Partisoun

Liò : Ermas - Coustiero sablouso - Coustiero marlouso

Estànci : Termoumediterran, Mesoumediterran.

Couroulougi : Eurimediterrano

Sòu : Ca

Autour basso e auto : 0 à 400 m

Aboundànci : R

Fitousoucioulougìo

Classo : Onopordetea acanthii

Ordre : Onopordetalia illyrici

Alianço : Onopordion illyrici

Assouciacioun : Carduo tenuiflori–Onopordetum illyrici

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Coumpara Erbo-dóu-faiòu(-roujo) emé uno autro planto

Uno questioun, uno remarco...