Plantun de Prouvènço

Pèr counèisse e recounèisse li planto d'encò nostre

Jounc-à-tres-costo

Cyperus longus subsp. longus

Cyperaceae

Àutri noum : Jounc-à-tiers-poun, Seni, Triangle.

Nom en français : Souchet allongé.

Descripcioun :
Lou jounc-à-tres-costo es uno planto coumuno di relarg bagna o umide. Fai d'espiguet brun groupa en longo inflourejado (grapo). Se recounèis peréu à si 3 à 4 bratèio longo que dounon d'èr à de fueio.

Usanço :
Soun rizoumo es aroumati, es esta utilisa pèr faire de perfum. Parèis qu'èi bon peréu pèr la digestioun emai sarié tounico.

Bioulougìo - Usanço - Classificacioun

Port : Grando erbo
Taio : 0,2 à 1,5(2) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Fourestiero : Noun

Coulour de la flour : Brunello
Petalo : ges
Ø (o loungour) enflourejado : 10 à 30 cm
Flourido : Printèms - Estiéu - Autouno

Aparado : Noun

Empouisounanto : Noun
Manjadisso : Noun

Vertuouso : Vo

Gènre : Cyperus
Famiho : Cyperaceae
Ordre : Poales
Filougenìo : Tracheophyta

Ref. sc. : Cyperus longus subsp. longus L., 1753

fotò

Ecoulougìo - Partisoun

Liò : Ribiero - Palun - Roubino - Prado umido

Estànci : Termoumediterran, Mesoumediterran, Subremediterran, Coulinen.

Couroulougi : Paleoutemperado

Sòu : Ca (Si)

Autour basso e auto : 0 à 1200 m

Aboundànci : C

Fitousoucioulougìo

Classo : Pancaro entresigna

Ordre : Pancaro entresigna

Alianço : Pancaro entresigna

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Coumpara Jounc-à-tres-costo emé uno autro planto

Uno questioun, uno remarco...