Plantun de Prouvènço

Pèr counèisse e recounèisse li planto d'encò nostre

Tas

Ceratocephala falcata

Ranunculaceae

Noms en français : Cératocéphale en faux, Renoncule en faux.

Descripcioun :
Curiouso planto, curious noum aquéu tas que trachis, souvènt en group, dins li meissoun e ermas d'Auto Prouvènço. Lou tas èi pas bèn grand (10 cm), d'un verd clar, emé de noumbróusi fueio en rouseto di proun descoupado en ventau. Li flour soun d'un jaune clar e fan de gròssis espigo (fin qu'à 4 cm) que sèmblon espinouso emé sis akène en formo de daio (falcatus). Flouris d'ouro, tre la debuto de mars.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Bioulougìo - Usanço - Classificacioun

Port : Erbo
Taio : 2 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an
Fourestiero : Noun

Coulour de la flour : Jauno
Petalo : >6
Ø (o loungour) flour : 2 à 6 mm
Flourido : Printems Ivèr
Mars à mai
Aparado : Noun

Empouisounanto : Vo
Manjadisso : Noun

Vertuouso : Noun

Gènre : Ceratocephala
(Gènre proche: Ranunculus)
Famiho : Ranunculaceae
Ordre : Ranunculales
Remarco : Arquéofito
Filougenìo : Tracheophyta

Ref. sc. : Ceratocephala falcata (L.) Pers., 1805 (= Ranunculus falcatus L., 1753 )

fotò

Ecoulougìo - Partisoun

Liò : Meissoun - Ermas - Champ

Estànci : Mesoumediterran, Subremediterran, Coulinen, Mountagnard.

Couroulougi : Éurasiatico

Sòu : Ca

Autour basso e auto : 0 à 1300 m

Aboundànci : R

Fitousoucioulougìo

Classo : Stellarietea mediae

Ordre : Papaveretalia rhoeadis

Alianço : Secalion cerealis

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Coumpara Tas emé uno autro planto

Uno questioun, uno remarco...