Li Brassicaceae (famiho de la rouqueto), o Cruciferae, soun d'erbo de l'an o renadivo (1). An souvènti fes uno sabour cousènto.
Li fueio soun alterno o tóuti basalo, e de tóuto sorto (simplo, coumpausado, dentado, penado...).
Li flour soun reguliero (2), en grapo (1) o en pinceloun.
I'a quatre sepalo (4) e quatre petalo libro (5), ço que douno d'èr à-n-uno crous (Cruciferae).
Sus li sièis estamino (6), n'i'a dos pichoto e quatre grando (pèr la maje-part). Poudès pas vous engana.
I'a dos meno principalo de fru, de bèn regarda pèr la recouneissènço : siegue long (boudousco-9), siegue courtet, un pau redoun (boudousqueto-3). En generau se duerb de bas en aut en dos valvo separado pèr uno clausouneto (11).