Famiho : Apiaceae, i'a 110 meno.

Pèr counèisse e recounèisse li planto d'encò nostre

Li Apiaceae, o Umbelliferae (famiho dóu fenoui), soun d'erbo que vivon un an, dous o mai, de fes sèmblon d'aubret.

Li fueio soun pèr la maje-part penado (10), de cop que i'a simplo e souvènti-fes engueinanto.

Li flour soun reguliero e pichoto, oumbelado, à dous nivèu, oumbello (1) e oumbellulo rejougnido pèr de rai (3). Pòu i'agué de bratèio o noun (2-4).

Lou calice èi pas toujour aqui. Li cinq petalo soun libro e recourbado de la pouncho (5).

I'a cinq estamino, peréu recourbado (6).

I'a dos partido à l'óuviero emé dous estile souda (7).

Lou fru se (8) èi coumpausa de dos partido, èi souvènti-fes frounsi (9). Pòu èstre aplati o round.